Bone Health: ನಮ್ಮ ದೇಹದ ಮುಖ್ಯವಾದ ಅಂಗಗಳಲ್ಲಿ ಮೂಳೆಯ (Bone) ಪಾತ್ರ ಬಹಳ ಮುಖ್ಯವಾಗಿದ್ದು, ಬಹಳ ಬೇಗ ಸವೆಯುವುದಲ್ಲದೆ ವಯಸ್ಸು, ಕುಟುಂಬದ ಇತಿಹಾಸ ಅಥವಾ ನಿಮ್ಮ ಜೀವನಶೈಲಿ ಸೇರಿದಂತೆ ವಿವಿಧ ಅಂಶಗಳು ಮೂಳೆಗಳ ಮತ್ತು ಕೀಲುಗಳ ಆರೋಗ್ಯ ಎಷ್ಟು ಎಂಬುದನ್ನು ನಿರ್ಧರಿಸುತ್ತದೆ. ಹಾಗಾಗಿ ಮೂಳೆಗಳು ಗಟ್ಟಿಯಾಗಿರಲು ಈ ಹಣ್ಣಗಳನ್ನು ತಪ್ಪದೆ ಸೇವಿಸಿ.
ಅವಕಾಡೊ (ಬಟರ್ ಫ್ರೂಟ್) : ಆರೋಗ್ಯಕರ ಕೊಬ್ಬುಗಳು ಮತ್ತು ವಿಟಮಿನ್ ಇ (Vitamin E) ಹೊಂದಿರುವ ಅವಕಾಡೊಗಳು ನಿಮ್ಮ ಕೀಲುಗಳಿಗೆ ಅತ್ಯುತ್ತಮವಾದ ಹಣ್ಣು. ಇದು ಉರಿಯೂತದ ವಿರುದ್ಧ ಹೋರಾಡುವುದಲ್ಲದೆ ಕಾರ್ಟಿಲೆಜ್ ಅನ್ನು ಸಂರಕ್ಷಿಸಲು ಸಹಾಯ ಮಾಡುತ್ತದೆ.
ಬಾಳೆಹಣ್ಣು: ಬಾಳೆಹಣ್ಣುಗಳ (Banana) ಪೋಷಕಾಂಶಗಳು ಮೂಳೆಯ ಆರೋಗ್ಯಕ್ಕೆ ಇದು ಬಹಳ ಮುಖ್ಯವಾಗಿದ್ದು, ಶಕ್ತಿ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಪೊಟ್ಯಾಸಿಯಮ್ (Potassium) ಹೆಚ್ಚಾಗಿರುವ ಈ ಹಣ್ಣುಗಳು ದೇಹದಲ್ಲಿ ಕ್ಯಾಲ್ಸಿಯಂ ಅನ್ನು ಉಳಿಸಿಕೊಳ್ಳುತ್ತವೆ. ಇದು ದೃಢವಾದ ಮೂಳೆಗಳನ್ನು ಕಾಪಾಡಿಕೊಳ್ಳಲು ಅವಶ್ಯಕವಾಗಿದೆ.
ಪಪ್ಪಾಯಿ ಹಣ್ಣು: ಪಪ್ಪಾಯಿಯಲ್ಲಿ (Papaya) ಕಂಡುಬರುವ ಪಪೈನ್ ಕಿಣ್ವವು ಜೀರ್ಣಕ್ರಿಯೆಗೆ ಸಹಾಯಕಾರಿಯಾಗಿದ್ದು, ಇದು ಸಂಧಿವಾತದ ಲಕ್ಷಣಗಳನ್ನು ನಿಭಾಯಿಸಲು ಸಹಾಯ ಮಾಡುತ್ತದೆ.
ಸೇಬು ಹಣ್ಣು: ದಿನಕ್ಕೆ ಒಂದು ಸೇಬನ್ನು (Apple) ತಿಂದರೆ ಇದು ವೈದ್ಯರನ್ನು ದೂರವಿಡುವುದಲ್ಲದೆ, ಕೀಲುಗಳ ಉರಿಯೂತವನ್ನು ದೂರವಿರಿಸುತ್ತದೆ. ಪ್ರಬಲವಾದ ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿರುವ ಉತ್ಕರ್ಷಣ ನಿರೋಧಕವಾದ ಕ್ವೆರ್ಸೆಟಿನ್ ಇರುವಿಕೆಯಿಂದಾಗಿ ಇದು ಸಾಧ್ಯ.
ಬೆರಿ ಹಣ್ಣುಗಳು: ಬೆರಿ ಹಣ್ಣುಗಳಾದ (Berry Fruits) ಸ್ಟ್ರಾಬೆರಿ ಮತ್ತು ರಾಸ್ಬೆರೀಸ್ ಉತ್ಕರ್ಷಣ ನಿರೋಧಕಗಳಿಂದ ತುಂಬಿರುವುದಲ್ಲದೆ ಇದು ಉರಿಯೂತದಿಂದ ನಿಮ್ಮ ಕೀಲುಗಳನ್ನು ರಕ್ಷಿಸುವ ರಕ್ಷಾಕವಚವಾಗಿ ಕಾರ್ಯನಿರ್ವಹಿಸುತ್ತದೆ.
ಮಾವಿನ ಹಣ್ಣುಗಳು: ಹಣ್ಣುಗಳ ರಾಜ ಮಾವಿನ ಹಣ್ಣಿನಲ್ಲಿ ವಿಟಮಿನ್ ಎ (Vitamin A) ಮತ್ತು ವಿಟಮಿನ್ ಸಿ ಇರುತ್ತದೆ. ಇವೆರಡೂ ಕಾಲಜನ್ ರಚನೆಯನ್ನು ಬೆಂಬಲಿಸುತ್ತವೆ ಮತ್ತು ಆರೋಗ್ಯಕರ ಕೀಲುಗಳಿಗೆ ಕಾರಣವಾಗಿವೆ.
ಕಿವಿ ಮತ್ತು ಕಿತ್ತಳೆ ಹಣ್ಣು: ಈ ಹಣ್ಣಿನಲ್ಲಿ ವಿಟಮಿನ್ ಕೆ (Vitamin K) ಸಮೃದ್ಧವಾಗಿದ್ದು, ಇದು ಮೂಳೆಗಳ ಖನಿಜೀಕರಣ ಮತ್ತು ಸಾಂದ್ರತೆಗೆ ಸಹಾಯ ಮಾಡುತ್ತದೆ. ಅಷ್ಟೇ ಅಲ್ಲದೆ ರಸಭರಿತವಾದ ಸಿಟ್ರಸ್ ಹಣ್ಣು ಕಿತ್ತಳೆಯಲ್ಲಿ ವಿಟಮಿನ್ ಸಿ ಹೆಚ್ಚಾಗಿರುತ್ತದೆ. ಇದು ಕಾಲಜನ್ ಉತ್ಪಾದನೆಗೆ ಪ್ರಮುಖ ಅಂಶವಾಗಿದೆ.
ಅನಾನಸ್: ಅನಾನಸ್ನಲ್ಲಿ ಬ್ರೊಮೆಲೈನ್ (Bromelain) ಎಂಬ ಅಮೂಲ್ಯವಾದ ಕಿಣ್ವವಿದೆ. ಇದು ಕೀಲುಗಳಿಗೆ ಹಿತವಾದ ಮುಲಾಮಿನಂತೆ ಕಾರ್ಯನಿರ್ವಹಿಸುವುದಲ್ಲದೆ ನೋವು ಮತ್ತು ಊತವನ್ನು ಸರಾಗಗೊಳಿಸುತ್ತದೆ.
ಭವ್ಯಶ್ರೀ ಆರ್.ಜೆ