Health Tips : ಸಾಮಾನ್ಯವಾಗಿ ಬೇಸಿಗೆ ಕಾಲದಲ್ಲಿ ಹೊರಗಡೆ ಹೋದಾಗ, ವಿಪರೀತ ಸೆಕೆ ಹಾಗೂ ಬೆವರಿನ(Sweat) ಕಾರಣದಿಂದ ದೇಹಕ್ಕೆ ತಂಪಾದ ಮತ್ತು ಆರೋಗ್ಯಕರವಾದ ಪಾನೀಯವನ್ನು ಕುಡಿಯಬೇಕು ಎಂದು ಅನಿಸಿದ ತಕ್ಷಣ ನೆನಪಿಗೆ ಬರುವುದು ಎಳನೀರು ಅಥವಾ ಕಬ್ಬಿನ ರಸ(Sugarcane Juice).

ಬೇಕಾದಾಗಲೆಲ್ಲಾ ಎಳನೀರು ಅಷ್ಟು ಸುಲಭವಾಗಿ ಸಿಗುವುದಿಲ್ಲ. ಆದರೆ ಕಬ್ಬಿನಹಾಲು ಮಾತ್ರ ಹೆಚ್ಚಿನ ಕಡೆ ರಸ್ತೆ ಬದಿಗಳಲ್ಲಿ ಸುಲಭವಾಗಿ ಸಿಗುತ್ತದೆ.

ಸಾಮಾನ್ಯವಾಗಿ ಕಬ್ಬಿನ ಹಾಲಿಗೆ ಎರಡು ವಿಶಿಷ್ಟ ಗುಣ ಲಕ್ಷಣಗಳಿವೆ. ಬೇಸಿಗೆ ಕಾಲದಲ್ಲಿ ಇದನ್ನು ಕುಡಿದರೆ ನಮ್ಮ ದೇಹ ತಂಪಾಗುತ್ತದೆ, ಹಾಗೂ ಮಳೆಗಾಲದಲ್ಲಿ ಇದರ ಸೇವನೆಯಿಂದ ನಮ್ಮ ದೇಹ ಬೆಚ್ಚಗಾಗುತ್ತದೆ.

ಒಟ್ಟಾರೆಯಾಗಿ, ನಮ್ಮ ದೇಹದ ತಾಪಮಾನವನ್ನು ಅಚ್ಚುಕಟ್ಟಾಗಿ ನಿರ್ವಹಿಸುವ ಗುಣ ಕಬ್ಬಿನ ಹಾಲಿನಲ್ಲಿದೆ. ಇದರಲ್ಲಿ ಅನೇಕ ಬಗೆಯ ಪೌಷ್ಠಿಕಾಂಶಗಳು ಇರುವುದರ ಜೊತೆಗೆ,

ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರವನ್ನು ಒದಗಿಸುವ ಸಾಮರ್ಥ್ಯವೂ ಇದಕ್ಕಿದೆ. ಕಾಮಾಲೆ ರೋಗದಿಂದ ಬಳಲುವವರಿಗೆ ಮತ್ತು ರಕ್ತಹೀನತೆ ಸಮಸ್ಯೆಯಿಂದ ತೊಂದರೆಗೀಡಾದವರಿಗೆ ಇದು ಪರಿಹಾರ ಒದಗಿಸುತ್ತದೆ.

ಇದನ್ನೂ ಓದಿ : https://vijayatimes.com/rishi-sunak-to-india/

ಹೌದು, ಕಬ್ಬಿನ ಹಾಲು ಸೇವನೆ ಮಾಡಲು ಎಷ್ಟು ರುಚಿಕರವೂ ಅಷ್ಟೇ ಆರೋಗ್ಯಕರವೂ ಆಗಿದೆ. ಇದರಲ್ಲಿ ನಮ್ಮ ದೇಹದ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡುವ ಗುಣ ಲಕ್ಷಣಗಳಿವೆ.

ಇದರಲ್ಲಿ ಕಡಿಮೆ ಪ್ರಮಾಣದ ಕ್ಯಾಲೋರಿಗಳು ಇರುವ ಕಾರಣ ದೇಹದ ತೂಕ ನಿರ್ವಹಣೆ ಮಾಡಲು ಸಹಕಾರಿಯಾಗಿದೆ.

ಅಷ್ಟೇ ಅಲ್ಲದೇ, ಇದರಲ್ಲಿ ಅಪಾರ ಪ್ರಮಾಣದ ಇನ್ನಿತರ ಆರೋಗ್ಯ ಪ್ರಯೋಜನಗಳು ಕೂಡ ಇವೆ. ಉದಾಹರಣೆಗೆ, ಜಾಂಡಿಸ್ ಸಮಸ್ಯೆ ಹೊಂದಿರುವವರಿಗೆ ಕಬ್ಬಿನ ಹಾಲು ಬಹಳ ಪ್ರಯೋಜನಕಾರಿ ಎಂದು ತಿಳಿದುಬಂದಿದೆ.

ಏಕೆಂದರೆ ಜಾಂಡೀಸ್(Jaundice) ಸಂದರ್ಭದಲ್ಲಿ ವೈದ್ಯರು ಕೂಡ ಇದನ್ನು ಸೇವಿಸುವಂತೆ ಸಲಹೆ ನೀಡುತ್ತಾರೆ.

ನಮ್ಮ ದೇಹದಿಂದ ವಿಷಕಾರಿ ತ್ಯಾಜ್ಯಗಳನ್ನು ಹೊರಹಾಕಲು ಹಾಗೂ ನಮ್ಮ ಲಿವರ್ ಭಾಗವನ್ನು ಸ್ವಚ್ಛವಾಗಿಸುವಲ್ಲಿ ಕೂಡ ಕಬ್ಬಿನ ಹಾಲು ಪ್ರಯೋಜನಕಾರಿಯಾಗಿದೆ.

ಯಕೃತ್ ಭಾಗದ ಕಾರ್ಯಚಟುವಟಿಕೆಯನ್ನು ಚುರುಕುಗೊಳಿಸುವಲ್ಲಿ ಕೂಡ ಕಬ್ಬಿನ ಹಾಲಿನ ಪಾತ್ರವಿದೆ. ಸೌಂದರ್ಯವನ್ನು ಹೆಚ್ಚು ಮಾಡುವಲ್ಲಿ ಕೂಡ ಕಬ್ಬಿನ ಹಾಲು ತುಂಬಾ ಪ್ರಯೋಜನಕಾರಿ.

ಚರ್ಮದ ಮೇಲೆ ಕಂಡು ಬರುವ ಕಪ್ಪು ಕಲೆಗಳನ್ನು ಹೋಗಲಾಡಿಸಿ, ನಿಮ್ಮ ಚರ್ಮವನ್ನು ಸುಕ್ಕುಗಳಿಂದ ರಕ್ಷಣೆ ಮಾಡುವುದರ ಜೊತೆಗೆ, ನಿಮ್ಮ ತ್ವಚೆಯ ಯೌವ್ವನವನ್ನು ವೃದ್ಧಿ ಮಾಡುತ್ತದೆ.

ಕಬ್ಬಿನ ಜ್ಯೂಸ್ ನಾಲಿಗೆಗೆ ಸಿಹಿಯಾಗಿದ್ದರೂ ಕೂಡ, ನೈಸರ್ಗಿಕ ಸಕ್ಕರೆ ಅಂಶವನ್ನು ಒಳಗೊಂಡಿರುವುದರಿಂದ ಮಧುಮೇಹದ ಸಮಸ್ಯೆ ಹೊಂದಿರುವವರಿಗೆ ಇದರಿಂದ ಯಾವುದೇ ಸಮಸ್ಯೆಯಿಲ್ಲ.

https://youtu.be/lxHcGEJR7Ls ಪೋಷಕರೇ ಎಚ್ಚರ! ಅಂಗನವಾಡಿಗಳಲ್ಲಿ ಸರಬಜಾರಾಗುತ್ತಿದೆ ಕಳಪೆ ಆಹಾರ

ಬದಲಾಗಿ ಇದು ರಕ್ತದಲ್ಲಿನ ಗ್ಲುಕೋಸ್ ಮಟ್ಟವನ್ನು ಅಚ್ಚುಕಟ್ಟಾಗಿ ನಿಯಂತ್ರಣ ಮಾಡುವುದರಿಂದ, ಸಕ್ಕರೆ ಕಾಯಿಲೆ ಹೊಂದಿದವರು ಕಬ್ಬಿನ ರಸವನ್ನು ಆಗಾಗ ಸೇವನೆ ಮಾಡುವ ಅಭ್ಯಾಸ ಮಾಡಿಕೊಳ್ಳುವುದು ಆರೋಗ್ಯಕ್ಕೆ ಒಳ್ಳೆಯದು.

ಕಬ್ಬಿನ ಹಾಲಿನಲ್ಲಿ ವಿಟಮಿನ್-ಸಿ ಕೂಡ ಅಪಾರ ಪ್ರಮಾಣದಲ್ಲಿ ಕಂಡುಬರುವುದರಿಂದ, ಕಡಿಮೆ ರೋಗನಿರೋಧಕ ಶಕ್ತಿ ಹೊಂದಿರುವವರಿಗೆ ಬಹಳ ಪ್ರಯೋಜನಕಾರಿಯಾಗಿದೆ.

ಪ್ರತಿ ದಿನ ನಿಯಮಿತ ಪ್ರಮಾಣದಲ್ಲಿ, ಕಬ್ಬಿನ ರಸವನ್ನು ಸೇವನೆ ಮಾಡುವವರಿಗೆ ರೋಗನಿರೋಧಕ ಶಕ್ತಿಯ ಕೊರತೆಯಿರುವುದಿಲ್ಲ ಮತ್ತು ಯಾವುದೇ ಆರೋಗ್ಯದ ಸೋಂಕುಗಳಿಂದ ಮುಕ್ತಿ ಪಡೆಯಲು ಅನುಕೂಲವಾಗುತ್ತದೆ.

• ಪವಿತ್ರ