ಹಿರಿಯ ಕಾಂಗ್ರೆಸ್‌ ಮುಖಂಡ ಮೋತಿಲಾಲ್ ವೋರಾ ವಿಧಿವಶ

ನವದೆಹಲಿ, ಡಿ. 21: ಹಿರಿಯ ಕಾಂಗ್ರೆಸಿಗ ಮೋತಿಲಾಲ್ ವೋರಾ ಇಂದು ವಿಧಿವಶರಾಗಿದ್ದಾರೆ. ಬಹಳ ದಿನಗಳಿಂದ ಕೋವಿಡ್-19 ಸೋಂಕಿನಿಂದ ಬಳಲುತ್ತಿದ್ದ ಅವರಿಗೆ 93 ವರ್ಷ ವಯಸ್ಸಾಗಿತ್ತು. ಹಾಗೂ ಬೇಗನೆ ಸೋಂಕಿನಿಂದ ಸಹ ಗುಣಮುಖರಾಗಿದ್ದರು. ಆದರೆ ಭಾನುವಾರ ರಾತ್ರಿ ಅವರ ಆರೋಗ್ಯ ಪರಿಸ್ಥಿತಿ ಬಹಳ ಹದಗೆಟ್ಟಿದ್ದ ಕಾರಣ ಎಸ್ಕಾರ್ಟ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಕೊನೆಯುಸಿರೆಳೆದರು.

ಮೋತಿಲಾಲ್ ವೋರಾರವರು ವಿಧಿ ಆಟ ನೋಡಿ ನಿನ್ನೆಯಷ್ಟೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು ಆದರೆ ಅದೇ ದಿನ ಕೊನೆಯುಸಿರು ಎಳೆದಿದ್ದಾರೆ. ರಾಹುಲ್ ಗಾಂಧಿ ಸೇರಿ ಅನೇಕ ಗಣ್ಯರು ಟ್ವೀಟ್ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಿ ಸಂತಾಪ ಸೂಚಿಸಿದ್ದಾರೆ.

1927ರ ಡಿಸೆಂಬರ್ 20ರಂದು ಬ್ರಿಟಿಷ್ ಇಂಡಿಯಾದ ಜೋಧ್‌ಪುರ ರಾಜ್ಯದ ನಿಂಬಿ ಜೋಧಾ ಎಂಬಲ್ಲಿ ಪುಷ್ಕರಣ ಬ್ರಾಹ್ಮಣ ಕುಟುಂಬದಲ್ಲಿ ಜನಿಸಿದರು. ರಾಯ್‍ಪುರ ಮತ್ತು ಕೋಲ್ಕತದಲ್ಲಿ ಶಿಕ್ಷಣ ಪಡೆದ ಇವರು, ಬಹಳ ವರ್ಷಗಳ ಕಾಲ ಪತ್ರಕರ್ತರಾಗಿ ಕೆಲಸ ಮಾಡಿದ್ದರು. ಹಾಗೂ ಇವರ ಮಗ ಅರುಣ್ ವೋರಾರವರು ಮೂರನೇ ಬಾರಿ ಶಾಸಕರಾಗಿದ್ದಾರೆ.