ಅಯೋಧ್ಯೆಯ(Ayodhya’s Ghat) ರಾಮ್ ಕಿ ಪೈಡಿಯಲ್ಲಿ(Ayodhya’s Ram ki Paidi) ತನ್ನ ಪತ್ನಿಗೆ ಮುತ್ತಯ ಕೊಟ್ಟಿದ್ದಕ್ಕಾಗಿ ನೆರದಿದ್ದ ಜನರು ಕೋಪಗೊಂಡ ಆ ವ್ಯಕ್ತಿಯನ್ನು ಹಿಗ್ಗಾಮುಗ್ಗಾ ಥಳಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ(Social Media) ಭಾರಿ ವೈರಲ್(Viral) ಆಗಿದೆ. ರಾಮ್ ಕಿ ಪೈಡಿ ಎಂಬುದು ಸರಯು ನದಿಯ ದಡದಲ್ಲಿರುವ ಘಾಟ್‌ಗಳ ಒಂದು ಸರಣಿಯಾಗಿದೆ. ವೀಡಿಯೊದಲ್ಲಿ, ಜನಸಮೂಹವು ನೀರಿನಲ್ಲಿ ಎಲ್ಲರಂತೆ ಸಮಯ ಕಳೆಯುವಾಗ, ಈ ದಂಪತಿಗಳು ಕೂಡ ಘಾಟ್‌ನ ನೀರಿನೊಳಗೆ ಇಳಿದಿದ್ದಾರೆ.

ಕೆಲವು ನಿಮಿಷಗಳ ನಂತರ, ಪತಿ ತನ್ನ ಪತ್ನಿಗೆ ಚುಂಬಿಸಿದ್ದಾನೆ. ಈ ದೃಶ್ಯ ಕಂಡ ಒಬ್ಬ ವ್ಯಕ್ತಿ, ಪತಿಯನ್ನು ನೀರಿನಿಂದ ಹೊರಗೆ ಎಳೆದುಕೊಂಡು ಹೋಗಿ ಹೊಡೆಯಲು ಪ್ರಾರಂಭಿಸುತ್ತಾನೆ. ಪತ್ನಿ ಜನಸಮೂಹವನ್ನು ತಡೆಯಲು ಪ್ರಯತ್ನಿಸಿದ್ದಾರೆ. ಆದ್ರೆ, ಅದು ವಿಫಲವಾಗಿದೆ. ಗುಂಪಲ್ಲಿ ಸೇರಿಕೊಂಡು ಎಲ್ಲರೂ ಆಕೆಯ ಪತಿಗೆ ಮನಬಂದಂತೆ ಥಳಿಸಿದ್ದಾರೆ. ಥಳಿಸಿರುವ ವೀಡಿಯೋ(Video) ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಹರಿದಾಡಿದೆ. ಈ ಘಟನೆ ಕುರಿತು ಅಯೋಧ್ಯೆಯ ಹಿರಿಯ ಪೊಲೀಸ್ ಅಧೀಕ್ಷಕ (ಎಸ್‌ಎಸ್‌ಪಿ) ಶೈಲೇಶ್ ಪಾಂಡೆ, ಈ ವಿಡಿಯೋ ಒಂದು ವಾರ ಹಳೆಯದಾಗಿದೆ ಮತ್ತು ಈ ವಿಷಯಕ್ಕೆ ಸಂಬಂಧಿಸಿದಂತೆ,

ಇಲ್ಲಿಯವರೆಗೂ ನಮಗೆ ಯಾವುದೇ ದೂರು ಬಂದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಪೊಲೀಸರು ಈಗ ದಂಪತಿಗಳು ಎಲ್ಲಿ ವಾಸಿಸುತ್ತಿದ್ದಾರೆ ಎಂಬುದನ್ನು ಕಂಡುಹಿಡಿಯಲು ಪ್ರಯತ್ನಿಸುತ್ತಿದ್ದಾರೆ. ಆದ್ರೆ, ಸದ್ಯ ಯಾವುದೇ ಮಾಹಿತಿ ದೊರೆತಿಲ್ಲ ಎನ್ನಲಾಗಿದೆ. ಈ ಘಟನೆ ಬಗ್ಗೆ ದಂಪತಿಗಳಿಗೆ ಯಾವುದೇ ರೀತಿಯಲ್ಲಿ ಕ್ರಮ ತೆಗೆದುಕೊಳ್ಳಲು ಬಯಸಿದರೆ, ಮುಂದೆ ಬಂದು ದೂರು ದಾಖಲಿಸಬಹುದು ಎಂದು ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ.