New Delhi : ಉಜ್ಬೇಕಿಸ್ತಾನದ (Uzbekistan) ರಾಜಧಾನಿ ಸಮರ್ಕಂಡ್ನಲ್ಲಿ ಇತ್ತೀಚೆಗೆ ನಡೆದ ಶಾಂಘೈ ಶೃಂಗ ಸಭೆಯಲ್ಲಿ ರಷ್ಯಾ ಅಧ್ಯಕ್ಷ (Russia President) ಪುಟಿನ್ (Vladimir Putin) ಅವರೊಂದಿಗಿನ ಸಭೆಯ ಸಂದರ್ಭದಲ್ಲಿ,
ಭಾರತದ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರು “ಇಂದಿನ ಯುಗ ಯುದ್ಧದ ಯುಗವಲ್ಲ” ಎಂದು ಪುಟಿನ್ಗೆ ಹೇಳಿದ್ದರು.
ಭಾರತದ ಪ್ರಧಾನಿಯ ಈ ಹೇಳಿಕೆಯನ್ನು ವಿಶ್ವ ನಾಯಕರ ಒಂದು ವರ್ಗವು “ಸಾರ್ವಜನಿಕ ಖಂಡನೆ” ಎಂದು ಪ್ರತಿಪಾದಿಸಿತ್ತು.
ಪ್ರಧಾನಿ ನರೇಂದ ಮೋದಿ ಅವರ ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಭಾರತದಲ್ಲಿನ ರಷ್ಯಾದ ರಾಯಭಾರಿ ಡೆನಿಸ್ ಅಲಿಪೋವ್ ಅವರು, ಪಾಶ್ಚಿಮಾತ್ಯರು ಇತರ ಭಾಗಗಳನ್ನು ನಿರ್ಲಕ್ಷಿಸುವಾಗ ಅವರಿಗೆ ಸೂಕ್ತವಾದ ಉಲ್ಲೇಖಗಳನ್ನು ಮಾತ್ರ ಬಳಸುತ್ತಾರೆ.
ಹೀಗಾಗಿ ಈ ಸಂದರ್ಭದಲ್ಲಿ ಮೋದಿಯವರ ಮಾತನ್ನು ಹೀಗೆ ಬಳಸುತ್ತಿದ್ದಾರೆ ಎಂದಿದ್ದಾರೆ. ನವದೆಹಲಿಯಲ್ಲಿ ಮಾದ್ಯಮಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ರಾಯಭಾರಿ ಡೆನಿಸ್ ಅಲಿಪೋವ್,
ಜಿ-7 ರಾಷ್ಟ್ರಗಳು ಪ್ರಸ್ತಾಪಿಸಿರುವ ತೈಲ ಬೆಲೆ ಮಿತಿ ನ್ಯಾಯಯುತವಾಗಿಲ್ಲದಿದ್ದರೆ ಜಾಗತಿಕ ಮಾರುಕಟ್ಟೆಗೆ ತೈಲ ಪೂರೈಕೆಯನ್ನು ನಿಲ್ಲಿಸುತ್ತೇವೆ.
ಇದನ್ನೂ ಓದಿ : https://vijayatimes.com/deadly-sauce/
ಬೆಲೆಗಳು ನ್ಯಾಯಯುತವಾಗಿಲ್ಲ ಮತ್ತು ನಮಗೆ ಸ್ವೀಕಾರಾರ್ಹವಲ್ಲ ಎಂದು ನಾವು ಪರಿಗಣಿಸಿದರೆ, ನಾವು ಜಾಗತಿಕ ಮಾರುಕಟ್ಟೆಗಳಿಗೆ ಮತ್ತು ಯುಎಸ್ ಉಪಕ್ರಮಕ್ಕೆ ಸೇರುವ ದೇಶಗಳಿಗೆ ತೈಲ ಪೂರೈಕೆಯನ್ನು ನಿಲ್ಲಿಸುತ್ತೇವೆ.
ರಷ್ಯಾ ತನ್ನ ವ್ಯಾಪಾರ ಹಿತಾಸಕ್ತಿಗಳಿಗೆ ಹಾನಿಕಾರಕವಾದ ಯಾವುದೇ ಕಾರ್ಯವಿಧಾನವನ್ನು ಅನುಸರಿಸುವುದಿಲ್ಲ ಎಂದು ಸ್ಪಷ್ಟಪಡಿಸಿದರು.
ಪಾಶ್ಚಿಮಾತ್ಯ ರಾಷ್ಟ್ರಗಳು ವಿಧಿಸಿರುವ ನಿರ್ಬಂಧಗಳು ರಷ್ಯಾದ ಮೇಲೆ ಅಲ್ಪ ಪ್ರಮಾಣದ ಪ್ರಭಾವ ಬೀರುವುದರೊಂದಿಗೆ, G-7 ದೇಶಗಳು ಮತ್ತು
ಯುರೋಪಿಯನ್ ಒಕ್ಕೂಟವು ರಷ್ಯಾದ ಆದಾಯವನ್ನು ಮಿತಿಗೊಳಿಸಲು ರಷ್ಯಾದ ಕಚ್ಚಾ ಮತ್ತು ಸಂಸ್ಕರಿಸಿದ ಉತ್ಪನ್ನಗಳ ಮೇಲೆ ತೈಲ ಬೆಲೆ ಮಿತಿಯನ್ನು ವಿಧಿಸಿದೆ.
ಈ ತಿಂಗಳ ಆರಂಭದಲ್ಲಿ, G-7 ದೇಶಗಳ ಹಣಕಾಸು ಮಂತ್ರಿಗಳು ನೀಡಿದ ಹೇಳಿಕೆಯು ಬೆಲೆಯ ಮಿತಿಯನ್ನು ನಿರ್ದಿಷ್ಟವಾಗಿ ರಷ್ಯಾದ ಆದಾಯವನ್ನು ಕಡಿಮೆ ಮಾಡಲು ಮತ್ತು ಉಕ್ರೇನ್ ಯುದ್ಧಕ್ಕೆ ನಿಧಿಯ ಸಾಮರ್ಥ್ಯವನ್ನು ಕಡಿಮೆ ಮಾಡಲು ವಿನ್ಯಾಸಗೊಳಿಸಲಾಗಿದೆ ಎಂದು ಡೆನಿಸ್ ಅಲಿಪೋವ್ ಆರೋಪಿಸಿದರು.
ಇದೇ ವೇಳೆ ಪಾಕಿಸ್ತಾನವು ಉಕ್ರೇನ್ಗೆ ಶಸ್ತ್ರಾಸ್ತ್ರಗಳನ್ನು ಪೂರೈಸುತ್ತಿರುವ ವರದಿಗಳ ಕುರಿತು ಮಾತನಾಡಿದ ಅಲಿಪೋವ್, ಅಂತಹ ವಿತರಣೆಗಳು ನಡೆದಿದ್ದರೆ, ಅದು ಪಾಕಿಸ್ತಾನದೊಂದಿಗಿನ ರಷ್ಯಾದ ಸಂಬಂಧಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಸದ್ಯಕ್ಕೆ ದೃಢೀಕರಿಸದ ವರದಿಗಳು ಬಂದಿವೆ.
ನನಗೆ ಸತ್ಯಗಳ ಬಗ್ಗೆ ತಿಳಿದಿಲ್ಲ. ಇದರ ದೃಢೀಕರಣವಿದ್ದರೆ ಪಾಕಿಸ್ತಾನದೊಂದಿಗಿನ ನಮ್ಮ ಸಂಬಂಧಗಳ ಮೇಲೆ ಪರಿಣಾಮ ಬೀರುತ್ತದೆ ಎಂಬುದರ ಬಗ್ಗೆ ಯಾವುದೇ ಸಂದೇಹವಿಲ್ಲ” ಎಂದು ರಷ್ಯಾದ ರಾಯಭಾರಿ ಹೇಳಿದರು.
- ಮಹೇಶ್.ಪಿ.ಎಚ್