Punjab : ಪಂಜಾಬ್‌ ರಾಜ್ಯದ ಫರೀದ್‌ ಕೋಟ್‌ನಲ್ಲಿ(Thieves looted using gunpoint) ಮುಖಕ್ಕೆ ಕಪ್ಪು ಬಟ್ಟೆಯನ್ನು ಧರಿಸಿ ಬಂದ ಇಬ್ಬರು ಕಳ್ಳರು ಮೆಡಿಕಲ್ ಅಂಗಡಿಗೆ ನುಗ್ಗಿ 40 ಸಾವಿರ ರೂ. ಹಣವನ್ನು ಕಳ್ಳತನ ಮಾಡಿರುವ ಘಟನೆ ಸಿಸಿಟಿವಿ ಕ್ಯಾಮೆರಾ ದೃಶ್ಯಗಳಲ್ಲಿ ಸೆರೆಯಾಗಿದೆ.
ಮೆಡಿಕಲ್ (Medical) ಅಂಗಡಿಗೆ ನುಗ್ಗಿದ ಇಬ್ಬರು ಕಳ್ಳರು, ಅಂಗಡಿ ಮಾಲೀಕನ ಹಣೆಗೆ ಗನ್ ತೋರಿಸಿ ಆತನ ಮುಂದೆಯೇ 40,000 ರೂಪಾಯಿ ಹಣವನ್ನು ಲೂಟಿ ಮಾಡಿದ್ದಾರೆ.
ಈ ಒಂದು ದೃಶ್ಯ ಸಿಸಿಟಿವಿ ಕ್ಯಾಮೆರಾಗಳಲ್ಲಿ ಸೆರೆಯಾಗಿದ್ದು, ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ (Social Media) ಭಾರಿ ವೈರಲ್ ಆಗಿದೆ.
ಕಳ್ಳತನ ಮಾಡಲು ಬಂದಿದ್ದ ಕಳ್ಳರ ಜೋಡಿ, ಮುಖಕ್ಕೆ ಕಪ್ಪು ಬಟ್ಟೆಯಿಂದ ಮುಚ್ಚಿಕೊಂಡು, ಗ್ರಾಹಕರಂತೆ ಅಂಗಡಿಗೆ ನುಗ್ಗಿ ಮೊದಲು ಔಷಧ ಕೇಳುವಂತೆ ನಟಿಸಿದ್ದಾರೆ. ತದನಂತರ ಹಿಂದೆ ಮುಂದೆ ನೋಡುತ್ತ,
ಒಬ್ಬ ವ್ಯಕ್ತಿ ಇದ್ದಕ್ಕಿದ್ದಂತೆ ಅಂಗಡಿಯ ಸಹಾಯಕನ ಮೇಲೆ ದಾಳಿ ಮಾಡಿ ಆತನನ್ನು ಹಿಗ್ಗಾಮುಗ್ಗಾ ಥಳಿಸಿದ್ದಾನೆ. ಮತ್ತೋರ್ವ ಅಂಗಡಿ ಮಾಲೀಕನಿಗೆ ಗನ್ (Gun) ತೋರಿಸಿ, 40 ಸಾವಿರ ರೂ. ಹಣ ಕೇಳಲು ಪ್ರಾರಂಭಿಸಿದ್ದಾನೆ.
ಹಣ ಕೊಡಲು ಸಮಯ ವ್ಯರ್ಥ ಮಾಡುತ್ತಿದ್ದ ಮಾಲೀಕನನ್ನು ಒತ್ತಾಯಿಸಿ, ಫಾರ್ಮಸಿ ಮಾಲೀಕರಿಗೆ ಲಾಕರ್‌ನ ಕೀ (Thieves looted using gunpoint) ಕೊಡಲು ಹೇಳುತ್ತಾನೆ.
ಇದನ್ನೂ ಓದಿ: https://vijayatimes.com/muruli-vijay-turned-to-foreign-teams/
ಕೊಡದೆ ಹೋದರೇ ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದಾರೆ. ಕೀ ಪಡೆಯುತ್ತಿದ್ದಂತೆ ಲಾಕರ್ ಅನ್ನು ಒಡೆದು ಸುಮಾರು 40,000 ರೂಪಾಯಿ ಹಣವನ್ನು ಲೂಟಿ ಮಾಡಿ ಎರಡು ನಿಮಿಷಗಳಲ್ಲಿ ಸ್ಥಳದಿಂರ ಪರಾರಿಯಾಗಿದ್ದಾರೆ.
ಈ ಘಟನೆಯ ಬೆನ್ನಲ್ಲೇ ಅಂಗಡಿ ಮಾಲೀಕರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ತನಿಖೆಯನ್ನು ಪ್ರಾರಂಭಿಸಿದ್ದು, ಸಿಸಿಟಿವಿ ದೃಶ್ಯಗಳನ್ನು ಸ್ಕ್ಯಾನ್ ಮಾಡಿ, ಪರಿಶೀಲನೆ ನಡೆಸುತ್ತಿದ್ದಾರೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಸ್ಥಳೀಯ ಸುದ್ದಿಪತ್ರಿಕೆಗೆ ಮಾಹಿತಿ ನೀಡಿದ್ದಾರೆ.
ಸದ್ಯ ಈ ಒಂದು ಘಟನೆಗೆ ಸಂಬಂಧಿಸಿದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದ ಬೆನ್ನಲ್ಲೇ ಹಲವರು ಕಳ್ಳರ ಕೈಚಳಕ ನೋಡಿ ಬೆರಗಾಗಿದ್ದಾರೆ.
