Health tips of curry leaves : ಕರಿಬೇವನ್ನು ಶ್ರೇಷ್ಟ ಎಲೆ ಎಂದು ನಮ್ಮಲ್ಲಿ ಪೂರ್ವಜರ ಕಾಲದಿಂದಲೂ ಇಂದಿಗೂ ಕರೆಯುತ್ತಾರೆ. ಕರಿಬೇವು ಕೇವಲ ಒಂದು ಮರದ ಎಲೆ ಎಂದು ಕಡೆಗಣಿಸುವಂತಿಲ್ಲ! ಇದರಲ್ಲಿ ನಮ್ಮ (benefits of curry leaves) ದೇಹಕ್ಕೆ ಬೇಕಾದ ಅತ್ಯಗತ್ಯ ಆರೋಗ್ಯ ಪ್ರಯೋಜನಗಳು ಬಲಿಷ್ಠವಾಗಿ ಅಡಗಿದೆ.
ಕರಿಬೇವಿನ ಎಲೆಯಲ್ಲಿ ಹತ್ತು ಹಲವು ಆರೋಗ್ಯ ಪ್ರಯೋಜನಗಳಿದ್ದು, ಇದರಲ್ಲಿ ವಿಟಮಿನ್ (Vitamin)ಎ, ಬಿ, ಸಿ ಮತ್ತು ಬಿ 2 ಗಳಲ್ಲಿ ಸಮೃದ್ಧವಾಗಿದೆ.
ಕರಿಬೇವನ್ನು ಹೆಚ್ಚಾಗಿ ಒಗ್ಗರಣೆಯಲ್ಲಿ ಬಳಸುವುದನ್ನು ನಾವೆಲ್ಲಾ ನೋಡಿದ್ದೇವೆ. ಕರಿಬೇವು ಒಗ್ಗರಣೆ ಮೂಲಕ ಅಡುಗೆಯಲ್ಲಿ ಸೇರ್ಪಡೆಗೊಂಡು ನಮ್ಮ ದೇಹಕ್ಕೆ ಉತ್ತಮ ಪೋಷಕಾಂಶಗಳನ್ನು ಒದಗಿಸುತ್ತದೆ.
ತೂಕ ನಷ್ಟಕ್ಕೆ ಉತ್ತಮ : ಆಶ್ಚರ್ಯಕರ ಸಂಗತಿ ಎಂದರೆ, ಕರಿಬೇವಿನ ಎಲೆಗಳು ನಮ್ಮ ದೇಹದ ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ.
ಕಾರ್ಬಜೋಲ್ ಆಲ್ಕಲಾಯ್ಡ್‌ಗಳು(Carbazole Alkoloids) ತೂಕ ಹೆಚ್ಚಳದ ವಿರುದ್ಧ ಕೆಲಸ ಮಾಡುತ್ತವೆ ಮತ್ತು ದೇಹದಲ್ಲಿ ಕೊಲೆಸ್ಟ್ರಾಲ್ (Cholestrol) ಮಟ್ಟವನ್ನು ನಿಯಂತ್ರಿಸುವಲ್ಲಿ ಪರಿಣಾಮಕಾರಿಯಾಗಿದೆ.
ಕರಿಬೇವಿನ ಎಲೆಗಳನ್ನು ಸೇವಿಸುವುದರಿಂದ ತೂಕ ನಷ್ಟಕ್ಕೆ ನೆರವಾಗುತ್ತದೆ. ಅವುಗಳ ಸೇವನೆಯನ್ನು ಹೆಚ್ಚಿಸಲು,
ನೀವು ತಾಜಾ ಅಥವಾ ಒಣಗಿದ ಕರಿಬೇವಿನ ಎಲೆಗಳನ್ನು ಸೇವಿಸಬಹುದು ಅಥವಾ ನಿಮ್ಮ ಸಲಾಡ್‌ನಲ್ಲಿ (benefits of curry leaves) ಕೂಡ ಸೇರಿಸಿಕೊಳ್ಳಬಹುದು.
ಆರೋಗ್ಯಕರ ಆಹಾರದೊಂದಿಗೆ ಕರಿಬೇವಿನ ಎಲೆಗಳನ್ನು ಸೇವಿಸಿ ಮತ್ತು ತ್ವರಿತ ತೂಕ ನಷ್ಟಕ್ಕೆ ನಿಯಮಿತವಾಗಿ ವ್ಯಾಯಾಮ ಮಾಡುವುದು ಒಳಿತು.
ಭೇದಿ, ಮಲಬದ್ಧತೆ ಮತ್ತು ಅತಿಸಾರಕ್ಕೆ ಸೂಕ್ತ ಮನೆಮದ್ದು : ಕರಿಬೇವಿನ ಎಲೆಗಳನ್ನು ಹೊಟ್ಟೆಯ ಅಸ್ವಸ್ಥತೆಗೆ ಚಿಕಿತ್ಸೆ ನೀಡಲು ಬಳಸಬಹುದು. ನೀವು ಒಣಗಿದ ಕರಿಬೇವಿನ ಎಲೆಗಳನ್ನು ಪುಡಿಮಾಡಿ ಮಜ್ಜಿಗೆಗೆ ಸೇರಿಸಿ ಕುಡಿಯಬಹುದು.
ಇದನ್ನು ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ. ಇದು ಅತಿಸಾರ, ಮಲಬದ್ಧತೆ ಮತ್ತು ಭೇದಿ ಮುಂತಾದ ಪರಿಸ್ಥಿತಿಗಳನ್ನು ತಡೆಗಟ್ಟುತ್ತದೆ.
ಹಸಿ ಕರಿಬೇವಿನ ಎಲೆಗಳನ್ನು ಸಹ ಖಾಲಿ ಹೊಟ್ಟೆಯಲ್ಲಿ ತಿನ್ನಬಹುದು. ಕರಿಬೇವಿನ ಎಲೆಗಳು ಕರುಳಿನ ಚಲನೆಯನ್ನು ಬೆಂಬಲಿಸುತ್ತದೆ ಮತ್ತು ಜೀರ್ಣಕಾರಿ ಕಿಣ್ವಗಳನ್ನು ಉತ್ತೇಜಿಸುತ್ತದೆ ಎಂದು ಹೇಳಲಾಗುತ್ತದೆ.
ಮಧುಮೇಹಿಗಳಿಗೆ ಉತ್ತಮ : ಕರಿಬೇವಿನ ಎಲೆಗಳು ರಕ್ತದಲ್ಲಿನ ಗ್ಲೂಕೋಸ್(Glucose) ಮಟ್ಟವನ್ನು ಪರಿಣಾಮಕಾರಿಯಾಗಿ ಕಡಿಮೆ ಮಾಡುತ್ತದೆ ಎಂದು ಕಂಡುಬಂದಿದೆ. ಅವು ಮೇದೋಜ್ಜೀರಕ ಗ್ರಂಥಿಯ ಇನ್ಸುಲಿನ್ ಉತ್ಪಾದಿಸುವ ಕೋಶಗಳಿಗೆ ಬಲ ನೀಡುತ್ತವೆ.
ಕಬ್ಬಿಣ, ಸತು ಮತ್ತು ಕಬ್ಬಿಣದಂತಹ ಖನಿಜಗಳ ಕಾರಣದಿಂದಾಗಿ ಕರಿಬೇವಿನ ಎಲೆಗಳು ಈ ಕಾರ್ಯವನ್ನು ನಿರ್ವಹಿಸುತ್ತವೆ. ಹೀಗಾಗಿ, ಕರಿಬೇವಿನ ಎಲೆಗಳು ಮಧುಮೇಹದಿಂದ ಬಳಲುತ್ತಿರುವವರಿಗೆ ಸಹಾಯಕಾರಿ ಎಂದು ಹೇಳಲಾಗುತ್ತದೆ.
ವಿಶೇಷ ಸೂಚನೆ : ಈ ಮಾಹಿತಿ ಅನ್ನು ಮೂಲಗಳಿಂದ ಕಲೆಹಾಕಿ ನಿಮಗೆ ತಿಳಿಸಿದ್ದೇವೆ. ಇನ್ನು ಹೆಚ್ಚಿನ ಮಾಹಿತಿಗೆ ಒಮ್ಮೆ ವೈದ್ಯರನ್ನು ಸಂಪರ್ಕಿಸಿ ಸಲಹೆ ಪಡೆಯುವುದು ಉತ್ತಮ.
