ಬೆಂಗಳೂರು: ಮುಖ್ಯಮಂತ್ರಿ ಸಿದ್ದರಾಮಯ್ಯ (Siddaramaiah) ಅವರು 2023-24ನೇ ಸಾಲಿನ ಕರ್ನಾಟಕ ಬಜೆಟ್ ಮಂಡಿಸಿದ್ದು, ಜೊಮಾಟೊ(Zomato),ಸ್ವಿಗ್ಗಿ(Swiggy) ಮತ್ತು ಅಮೆಜಾನ್‌ನಂತಹ(Amazon) ಇ-ಕಾಮರ್ಸ್ ಡೆಲಿವರಿ ಬಾಯ್​​ಗಳಿಗೆ ಇದೀಗ ಬಂಪರ್​ ಕೊಡುಗೆ ನೀಡಿದ್ದಾರೆ. ಗಿಗ್ ಕೆಲಸಗಾರರಿಗೆ ಅಂದರೆ ಪೂರ್ಣ ಸಮಯ ಅಥವಾ ಅರೆಕಾಲಿಕ ವಿತರಣಾ ಸಿಬ್ಬಂದಿಯಾಗಿ ಸ್ವಿಗ್ಗಿ, ಜೊಮಾಟೊ, ಅಮೆಜಾನ್ ಮುಂತಾದ ಇ-ಕಾಮರ್ಸ್ ಕಂಪನಿಗಳಲ್ಲಿ ಕೆಲಸ ಮಾಡುವವರಿಗೆ 4 ಲಕ್ಷ ರೂ. ಜೀವ ಮತ್ತು ಅಪಘಾತ ವಿಮೆಯನ್ನು ಸಾಮಾಜಿಕ ಭದ್ರತೆಯನ್ನು ಒದಗಿಸುವ ನಿಟ್ಟಿನಲ್ಲಿ ಘೋಷಿಸಿದ್ದಾರೆ.

ಅಂದರೆ ಪೂರ್ಣ ಸಮಯ ಅಥವಾ ಅರೆಕಾಲಿಕ ಸ್ವಿಗ್ಗಿ, ಜೊಮಾಟೊ, ಅಮೆಜಾನ್ ಮುಂತಾದ ಇ-ಕಾಮರ್ಸ್ ಕಂಪನಿಯ(E Commerce Company) ವಿತರಣಾ ಸಿಬ್ಬಂದಿಗಳಿಗೆ ಒಟ್ಟು 4 ಲಕ್ಷ ರೂ. ವಿಮೆ ಮಾಡಲಾಗುತ್ತದೆ ಇದರಲ್ಲಿ 2 ಲಕ್ಷ ರೂ. ಅಪಘಾತ ವಿಮೆಯನ್ನು(Accident Insurance) ಮತ್ತು 2 ಲಕ್ಷ ರೂ. ಜೀವ ವಿಮೆಯನ್ನು(Life Insurance) ಸಂಪೂರ್ಣವಾಗಿ ಸರ್ಕಾರವೇ ಭರಿಸಲಿದೆ ಎಂದು ಸಿದ್ದರಾಮಯ್ಯ ಹೇಳಿದರು.

ಇದನ್ನೂ ಓದಿ : ಸದ್ಯದಲ್ಲೇ ರದ್ದಾಗಲಿರುವ 2000 ರೂ ನೋಟುಗಳನ್ನು ಮನೆಗೇ ಬಂದು ಸ್ವೀಕರಿಸಲಿದೆ ಅಮೆಜಾನ್‌

ತಮ್ಮ ಉದ್ಯೋಗದ ಅನೌಪಚಾರಿಕ ಮತ್ತು ಅನಿಶ್ಚಿತ ಸ್ವರೂಪವನ್ನು ಅಸಂಘಟಿತ ವಲಯದ ಕಾರ್ಮಿಕರು ನೀಡಿದರೆ ಸಾಮಾಜಿಕ ಭದ್ರತಾ ನಿವ್ವಳದೊಂದಿಗೆ ಸರ್ಕಾರವು ಅವರನ್ನು ಬೆಂಬಲಿಸಬೇಕು ಎಂದು ಗಿಗ್ ಕೆಲಸಗಾರರ ಪ್ರತಿನಿಧಿಸುವ ಒಕ್ಕೂಟದ ಬೇಡಿಕೆ ಇಟ್ಟಿತ್ತು.

“ಸಾಂಪ್ರದಾಯಿಕ ಉದ್ಯೋಗದಾತ-ಉದ್ಯೋಗಿ ವ್ಯವಸ್ಥೆಯಿಂದ ಹೊರಗಿರುವ ಕೆಲಸದಲ್ಲಿ NITI ಆಯೋಗದ ಗಿಗ್ ಕೆಲಸಗಾರರು ತೊಡಗಿಸಿಕೊಂಡವರು ಎಂದು ಹೇಳಿದೆ. ಕರ್ನಾಟಕದಲ್ಲಿ 1.6 ಕೋಟಿ ಜನರು ಅನೌಪಚಾರಿಕ ವಲಯದಲ್ಲಿ ಉದ್ಯೋಗದಲ್ಲಿ ತೊಡಗಿಕೊಂಡಿದ್ದಾರೆ ಎಂದು ಕರ್ನಾಟಕ ಕಾರ್ಮಿಕ ಇಲಾಖೆಯು ಅಂದಾಜಿಸಿದೆ. ಅವರಲ್ಲಿ ಹೆಚ್ಚಿನವರು ಬೆಂಗಳೂರಿನಲ್ಲಿದ್ದಾರೆ.

ರಶ್ಮಿತಾ ಅನೀಶ್