ಭಾರತದಲ್ಲಿನ ಯುಎಸ್ (US) ರಾಯಭಾರಿದ ಎರಿಕ್ ಗಾರ್ಸೆಟ್ಟಿ (Eric Garcetti) ಭಾರತ- ಅಮೆರಿಕಾ ನಡುವಿನ (Joe Biden appreciate India) ಸೌಹಾರ್ದಯುತ ಸಂಬಂಧದ ಬಗ್ಗೆ
ಮಾತನಾಡಿದ್ದು, ವ್ಯಾಪಾರ, ತಂತ್ರಜ್ಞಾನ, ಪರಿಸರ ಮತ್ತು ಬಾಹ್ಯಾಕಾಶ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಅಮೆರಿಕ (America) ಮತ್ತು ಭಾರತದ ನಡುವಿನ ನಿಕಟ ಸಹಯೋಗದ
ಬಗ್ಗೆ ಹೆಚ್ಚು ಸಮಯ (Joe Biden appreciate India)ನೀಡಿ ಮಾತನಾಡಿದ್ದಾರೆ.
ಅಧ್ಯಕ್ಷ ಜೋ ಬೈಡನ್ (Joe Biden) ಈ ವೇಳೆ ಭಾರತವು ತನಗೆ ವಿಶ್ವದ ಅತ್ಯಂತ ಪ್ರಮುಖ ದೇಶವಾಗಿದೆ ಎಂದು ಹೇಳಿದ್ದಾರೆಂದು ತಿಳಿಸಿದರು. ಇಂಡಿಯಾಸ್ಪೊರಾ (Indiaspora) ಜಿ20 (G20)
ಫೋರಮ್‌ನಲ್ಲಿ ಪ್ರಧಾನ ಭಾಷಣ ಮಾಡಿದ ಗಾರ್ಸೆಟ್ಟಿ ಅವರು ಭಾರತೀಯ ಅಮೆರಿಕನ್ನರು ಯುಎಸ್‌ನಲ್ಲಿ ಶೇಕಡಾ ಆರರಷ್ಟು ತೆರಿಗೆದಾರರನ್ನು ಹೊಂದಿದ್ದು, ಸೇವೆ ಮಾಡಲು ಇಲ್ಲಿಗೆ ಬರಲು ನನ್ನನ್ನು
ಕೇಳಿದಾಗ, ಬೈಡೆನ್ ಅವರು ಭಾರತ ನನಗೆ ವಿಶ್ವದ ಅತ್ಯಂತ ಪ್ರಮುಖ ದೇಶವಾಗಿದೆ ಎಂದು ನನಗೆ ಹೇಳಿದರು.
ನಮ್ಮ ಎರಡು ದೇಶಗಳ ಇತಿಹಾಸದಲ್ಲಿ ಯಾವುದೇ ಅಮೇರಿಕನ್ ಅಧ್ಯಕ್ಷರು ಹೇಳದ ವಿಷಯವನ್ನು ಬೈಡೆನ್ ಹೇಳಿದ್ದಾರೆ ಎಂದು ಗಾರ್ಸೆಟ್ಟಿ ಮಾತನಾಡಿದರು. ಸೆಪ್ಟೆಂಬರ್ 7 ರಿಂದ 10 ರವರೆಗೆ ಅಮೆರಿಕ
ಅಧ್ಯಕ್ಷ ಜೋ ಬೈಡೆನ್ (Joe Biden) ಅವರು ಭಾರತಕ್ಕೆ ಪ್ರಯಾಣ ಬೆಳೆಸಲಿದ್ದು, ಇನ್ನು ಬಹು ನಿರೀಕ್ಷಿತ G-20 ನಾಯಕರ ಶೃಂಗಸಭೆಯಲ್ಲಿ ಭಾಗವಹಿಸಲು ಆಗಮಿಸುತ್ತಿದ್ದಾರೆ. ಈ ಮಹತ್ವದ
ಶೃಂಗಸಭೆಯು ಜಾಗತಿಕ ಸಮಸ್ಯೆಗಳ ಕುರಿತು ಚರ್ಚಿಸಲು ಜಗತ್ತಿನಾದ್ಯಂತದ ಪ್ರಮುಖ ನಾಯಕರನ್ನು ಒಟ್ಟುಗೂಡಿಸುತ್ತದೆ.
ಉಕ್ರೇನ್ (Ukrain) ಸಂಘರ್ಷವು ಈ ಕಾರ್ಯಸೂಚಿಯಲ್ಲಿನ ಪ್ರಮುಖ ವಿಷಯಗಳ ಪೈಕಿ ಬಹಳ ಕಾಳಜಿಯ ವಿಷಯವಾಗಿದೆ. ಶ್ವೇತಭವನವು ಬಿಡುಗಡೆ ಮಾಡಿದ ಪ್ರಕಟಣೆಯಲ್ಲಿ ಸಹ ನಾಯಕರೊಂದಿಗಿನ
ಅಧ್ಯಕ್ಷ ಬೈಡೆನ್ ಅವರು ಉಕ್ರೇನ್ ಸಂಘರ್ಷ ಸೇರಿದಂತೆ ಬೇರೆ ಬೇರೆ ವಿಚಾರಗಳ ಬಗ್ಗೆ ಚರ್ಚೆ ಮಾಡಲಿದ್ದಾರೆ.
ಸೂರ್ಯಯಾನ: ಚಂದ್ರಯಾನ ಯಶಸ್ವಿ ಬೆನ್ನಲ್ಲೇ ಸೆಪ್ಟೆಂಬರಲ್ಲಿ ಸೂರ್ಯಕ್ರಾಂತಿಗೆ ಇಸ್ರೋ ತಯಾರಿ
ನವದೆಹಲಿಯಲ್ಲಿ ಸೆಪ್ಟೆಂಬರ್ (September) 9 ಮತ್ತು 10 ರಂದು ನಡೆಯಲಿರುವ ಈ ಶೃಂಗಸಭೆಯು ಒಂದು ಮಹತ್ವದ ಸಂದರ್ಭವಾಗಿದ್ದು ವಿಶ್ವ ನಾಯಕರನ್ನು ಭಾರತದ ನೆಲದಲ್ಲಿ ಒಂದೇ ವೇದಿಕೆಯಲ್ಲಿ
ಸೇರಿಸುತ್ತಿದೆ. ಅಲ್ಲದೆ ಜಾಗತಿಕ ರಂಗದಲ್ಲಿ ಭಾರತದ ಉನ್ನತಿಗೆ ಸಾಕ್ಷಿಯಾಗಲಿದೆ. ಉಕ್ರೇನ್ ಸಂಘರ್ಷದ ಆರ್ಥಿಕ ಮತ್ತು ಸಾಮಾಜಿಕ ಪರಿಣಾಮಗಳನ್ನು ನಿವಾರಿಸಲು ಮತ್ತು ಈ ಸವಾಲುಗಳನ್ನು
ಎದುರಿಸಲು G20 ನ ಸಂಯೋಜಿತ ಶಕ್ತಿಯನ್ನು ಬಳಸಿಕೊಳ್ಳುವ ಮಾರ್ಗಗಳನ್ನು ಕಂಡುಹಿಡಿಯಲು ಚರ್ಚೆಗಳು ವಿಸ್ತರಿಸುತ್ತವೆ.
ನವದೆಹಲಿಯಲ್ಲಿ G20 ಗೆ ಅಮೆರಿಕಾದ ಅಧ್ಯಕ್ಷ ಬೈಡೆನ್ ಅವರ ಉಪಸ್ಥಿತಿಯು ದೃಢವಾದ ಬದ್ಧತೆಯನ್ನು ಪುನರುಚ್ಚರಿಸಲು ಅವಕಾಶ ನೀಡುತ್ತದೆ. ಮತ್ತು ಜಾಗತಿಕ ಮಟ್ಟದಲ್ಲಿ ಆರ್ಥಿಕ ಸಹಕಾರಕ್ಕಾಗಿ
G20 ಅನ್ನು ಒಂದು ಪ್ರಮುಖ ವೇದಿಕೆಯಾಗಿ ಗುರುತಿಸುವುದನ್ನು ಇದು ಸೂಚಿಸುತ್ತದೆ. ಇನ್ನು 2026 ರಲ್ಲಿ ಅಮೆರಿಕ G20 ಅನ್ನು ಆಯೋಜಿಸಲಿದೆ. ಹಾಗೂ ಅಮೇರಿಕಾ ಅಧ್ಯಕ್ಷರು ಇಂಡೋನೇಷ್ಯಾದಲ್ಲಿ
ನಡೆಯಲಿರುವ ಆಸಿಯಾನ್ ಶೃಂಗಸಭೆಯನ್ನು ಬಿಟ್ಟು ನೇರವಾಗಿ ನವದೆಹಲಿಗೆ ತೆರಳಲಿದ್ದು, ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ (Kamala Harris) ಅವರು ಶೃಂಗಸಭೆಯಲ್ಲಿ ಯುಎಸ್ ಅನ್ನು ಪ್ರತಿನಿಧಿಸಲಿದ್ದಾರೆ.
ಭವ್ಯಶ್ರೀ ಆರ್,ಜೆ