Mumbai : ಮುಂಬೈನ ರೆಸ್ಟೋರೆಂಟ್ ಒಳಗೆ ಬಾಲಿವುಡ್ ನಟಿ ಉರ್ಫಿ ಜಾವೇದ್ (Bollywood actress Urfi Javed) ಅವರ ಪ್ರವೇಶವನ್ನು ಮ್ಯಾನೇಜರ್ ನಿರಾಕರಿಸಿದ್ದಕ್ಕೆ, ಕೆಂಡಾಮಂಡಲವಾದ ನಟಿ ವೀಡಿಯೋ (UrfiJaved Fight With Manager) ಮಾಡುವ ಮೂಲಕ ಮ್ಯಾನೇಜರ್ ವಿರುದ್ಧ ಕಿರುಚಾಡಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಆಕ್ಟೀವ್ ಇರುವ ಸೆಲೆಬ್ರಿಟಿಗಳಲ್ಲಿ ನಟಿ ಉರ್ಫಿ ಜಾವೇದ್ ಕೂಡ ಒಬ್ಬರು. ಬಾಲಿವುಡ್ ನಟಿಯಾದ
ಉರ್ಫಿ ತಮ್ಮ ಚಿತ್ರಗಳಿಗಿಂತ ಹೆಚ್ಚಾಗಿ ತಮ್ಮ ವಿಭಿನ್ನ ಶೈಲಿಯ ಉಡುಗೆಯಿಂದಲೇ ಸದಾ ಸಾಮಾಜಿಕ ಜಾಲತಾಣದಲ್ಲಿ ಕಂಗೊಳಿಸುತ್ತಾರೆ. ಸಾಕಷ್ಟು ಟ್ರೋಲ್ (Troll) ಪುಟಗಳಿಗೆ ಆಹಾರವಾಗುವ ಇವರ ಫೋಟೊಗಳು,
ಇವರ ಹೇಳಿಕೆಗಳು ಹೆಚ್ಚು ಚರ್ಚೆಯಲ್ಲಿ ಇರುತ್ತವೆ. ವಿವಾದಾತ್ಮಕ ಹೇಳಿಕೆಗಳು, ವಿಭಿನ್ನ ವೇಷಾಭೂಷಣಗಳಿಂದ ತೀವ್ರ ಟೀಕೆಗೆ ಗುರಿಯಾಗುವ ನಟಿ ಉರ್ಫಿ ಜಾವೇದ್
ಅವರು ಮತ್ತೊಂದು ವಿವಾದದಲ್ಲಿ ಸಿಲುಕಿಕೊಂಡಿದ್ದಾರೆ. ಹೋಟೆಲ್ ಮ್ಯಾನೇಜರ್ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿ, ತನ್ನ ಅಸಮಾಧಾನ ಹೊರಹಾಕಿದ ನಟಿ ಉರ್ಫಿ ಜಾವೇದ್,
ಇದನ್ನೂ ಓದಿ : https://vijayatimes.com/amit-shah-vs-siddaramaiah/
ಸಾಮಾಜಿಕ ಜಾಲತಾಣದಲ್ಲೂ (Social media) ಕೂಡ ಹೋಟೆಲ್ ಮ್ಯಾನೇಜರ್ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.
ಮುಂಬೈ (Mombai) ಹೋಟೆಲ್ ಒಳಗೆ ಪ್ರವೇಶಿಸಲು ಮುಂದಾದ ನಟಿ ಉರ್ಫಿ ಜಾವೇದ್ ಅವರನ್ನು (UrfiJaved Fight With Manager) ತಡೆದ ಮ್ಯಾನೇಜರ್,
ಮೇಡಂ ರಿಸರ್ವೇಶನ್ ಇಲ್ಲ! ಈ ಕಾರಣದಿಂದ ನಿಮ್ಮನ್ನು ಒಳಗೆ ಬಿಡಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.
ಈ ಮಾತನ್ನು ಕೇಳುತ್ತಿದ್ದಂತೆ ಕೆಂಡಾಮಂಡಲವಾದ ನಟಿ ಉರ್ಫಿ, ಮ್ಯಾನೇಜರ್ ಅನ್ನು ಮನಬಂದಂತೆ ತರಾಟೆಗೆ ತೆಗೆದುಕೊಂಡಿದ್ದಲ್ಲದೇ,
ನನ್ನ ಹೆಸರು ಗೊತ್ತಿದ್ದೀಯಾ? ಉರ್ಫಿ ಜಾವೇದ್ ಅಂತ! ಎಂದು ಘಟುಧ್ವನಿಯಲ್ಲಿ ಆವಾಜ್ ಹಾಕಿದ್ದಾರೆ.
ಏಪ್ರಿಲ್ 25 ರಂದು ನಟಿ ಉರ್ಫಿ ಅವರು ರಿಸರ್ವೇಶನ್ ಕುರಿತು ರೆಸ್ಟೋರೆಂಟ್ ಮ್ಯಾನೇಜರ್‌ನೊಂದಿಗೆ ತೀವ್ರ ವಾಗ್ವಾದ ನಡೆಸಿದ್ದಾರೆ.
ಇದನ್ನೂ ಓದಿ : https://vijayatimes.com/sexual-harassment-by-rapido-driver/
ಮ್ಯಾನೇಜರ್ ಸೂಕ್ತ ಕಾರಣ ಕೊಟ್ಟು ಒಳಗೆ ಪ್ರವೇಶ ನಿರಾಕರಿಸಿದ ಬೆನ್ನಲ್ಲೇ ತನ್ನ ಫ್ಯಾಷನ್ ಆಯ್ಕೆಯಿಂದಾಗಿ ತನಗೆ ಪ್ರವೇಶ ನಿರಾಕರಿಸಲಾಗಿದೆ ಎಂದು
ನಟಿ ಉರ್ಫಿ ಸಿಡಿಮಿಡಿಗೊಂಡಿದ್ದಾರೆ. ತಾನು ಧರಿಸುವ ಉಡುಗೆಯ ರೀತಿಯನ್ನು ಕಂಡು ಇವರು ನನಗೆ ಹೋಟೆಲ್ ಒಳಗೆ ಪ್ರವೇಶವನ್ನು ನಿರಾಕರಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.
ಆದ್ರೆ, ಇದಕ್ಕೆ ಹೋಟೆಲ್ ಮ್ಯಾನೇಜರ್ ಇಲ್ಲ ಮೇಡಂ ನಿಮ್ಮ ಬಟ್ಟೆಯನ್ನು ನೋಡಿ ನಾವು ರದ್ದುಗೊಳಿಸಿಲ್ಲ ಎಂದು ಸ್ಪಷ್ಟಪಡಿಸಿದರು ನಟಿ ಉರ್ಫಿ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.
ಈ ಬಗ್ಗೆ ಸ್ವತಃ ತಾವೇ ಖುದ್ದಾಗಿ ತಮ್ಮ ಅಧಿಕೃತ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಈ ಬಗ್ಗೆ ಪೋಸ್ಟ್ ಮಾಡಿದ್ದು, ತೀವ್ರ ಬೇಸರವನ್ನು ವ್ಯಕ್ತಪಡಿಸಿದ್ದಾರೆ.