Tech News: ಇತ್ತೀಚಿನ ದಿನಗಳಲ್ಲಿ ಜನರಿಗೆ ಕಿರಿ ಕಿರಿ ಉಂಟುಮಾಡುವಂತಹ ಸ್ಪ್ಯಾಮ್ ಮತ್ತು ಸ್ಕ್ಯಾಮ್ ಕರೆಗಳ (WhatsApp call mute feature) ಪ್ರಮಾಣವು ಹೆಚ್ಚಾಗುತ್ತಿದೆ. ನಕಲಿ ಕರೆ ಅಥವಾ
ಸಂದೇಶವನ್ನು ನಂಬಿ ಹಣ ಕಳೆದುಕೊಂಡವರು ಅನೇಕರಿದ್ದಾರೆ. ಇಂತಹ ಪ್ರಕರಣಗಳು ಪ್ರತಿದಿನ ದಾಖಲಾಗುತ್ತಿವೆ. ವಂಚನೆ ಕರೆಗಳು ಕೇವಲ ಮೊಬೈಲ್ ಸಂಖ್ಯೆಗಳಿಂದ ಮಾತ್ರವಲ್ಲದೆ ಮೆಟಾ ಒಡೆತನದ
ಪ್ರಸಿದ್ಧ ಮೆಸೇಜಿಂಗ್ ಅಪ್ಲಿಕೇಶನ್‌ನ ವಾಟ್ಸಾಪ್‌ನಿಂದಲೂ (WhatsApp call mute feature) ಬರುತ್ತವೆ.
ಮನೆಯಿಂದ ಕೆಲಸ ಮಾಡಿ, ಲಕ್ಷಗಟ್ಟಲೆ ಹಣ ಸಂಪಾದಿಸಿ, ಉಚಿತ ಇಂಟರ್ನೆಟ್ (Internet) ಸಂಪರ್ಕ ಸೇರಿದಂತೆ ಹಲವು ನಕಲಿ ಸಂದೇಶಗಳು (Fake Messeges), ಕರೆಗಳು ವಾಟ್ಸಾಪ್ ನಲ್ಲಿ ಹರಿದಾಡುತ್ತಿವೆ.
ಇದನ್ನು ತಡೆಯಲು ಮೆಟಾ ಇದೀಗ ಹೊಸ ವೈಶಿಷ್ಟ್ಯವನ್ನು (Feature) ಬಿಡುಗಡೆ ಮಾಡಿದೆ.
ಬಳಕೆದಾರರ ಗೌಪ್ಯತೆಯನ್ನು ಕಟ್ಟುನಿಟ್ಟಾಗಿ ರಕ್ಷಿಸುವ ವಾಟ್ಸಾಪ್ ಇನ್ನು ಮುಂದೆ ಉಪಯುಕ್ತ ಆಯ್ಕೆಯನ್ನು ನೀಡುತ್ತದೆ. ವಾಟ್ಸಾಪ್ ಈಗ ತನ್ನ Android ಮತ್ತು iOS ಬಳಕೆದಾರರಿಗೆ ಅಪರಿಚಿತ ಸಂಖ್ಯೆಗಳಿಂದ
ಕರೆಗಳನ್ನು ಮ್ಯೂಟ್ (Mute) ಮಾಡುವ ವಿಶಿಷ್ಟ ಸಾಮರ್ಥ್ಯವನ್ನು ನೀಡುತ್ತದೆ. ಈ ವೈಶಿಷ್ಟ್ಯವು WhatsApp ಮೂಲಕ ನಿಮ್ಮ ಫೋನ್‌ಗೆ ಒಳಬರುವ ಅಪರಿಚಿತ ಕರೆಗಳನ್ನು ಮೌನಗೊಳಿಸಲು ನಿಮಗೆ ಅನುಮತಿಸುತ್ತದೆ.
ಈ ಫೀಚರ್ ಅನ್ನು ಹೇಗೆ ಸಕ್ರಿಯಗೊಳಿಸಬಹುದು?? ಇಲ್ಲಿದೆ ಮಾಹಿತಿ
ಇದಕ್ಕಾಗಿ ಮೊದಲು ನೀವು ವಾಟ್ಸ್ಆ್ಯಪ್ನಲ್ಲಿ ಸೆಟ್ಟಿಂಗ್‌ (Setting) ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ನಂತರ ಇಲ್ಲಿರುವ ಪ್ರೈವೇಸಿ ಮೆನುಗೆ (Privacy Menu) ಹೋಗಿ ಕ್ಲಿಕ್ ಮಾಡಬೇಕು.
ಇಲ್ಲಿ ನೀವು ಕರೆ ಆಯ್ಕೆಯನ್ನು ಆರಿಸಿ ನಂತರ ಇಲ್ಲಿರುವ ಸೈಲೆನ್ಸ್ ಅನ್ನೌನ್ ಕಾಲರ್ಸ್ (Silence Unknown Callers) ಸೆಲೆಕ್ಟ್ ಮಾಡಿದರೆ ಆಯಿತು. ಅಷ್ಟೇ ಅಲ್ಲದೆ ಇಲ್ಲಿ ನಿಮಗೆ ಕಾಲ್ ಲಿಸ್ಟ್ನಲ್ಲಿ
ಕರೆಬಂದ ಬಗ್ಗೆ ಮಾಹಿತಿ ಇರುತ್ತದೆ.
ಇದನ್ನು ಓದಿ: ಇಂದು ಜೂನ್ 21 ಅಂತರಾಷ್ಟ್ರೀಯ ಯೋಗ ದಿನಾಚರಣೆ: ಈ ವರ್ಷದ ಥೀಮ್ “ವಸುಧೈವ ಕುಟುಂಬಕಂ”
ಒಂದೇ ಸ್ಮಾರ್ಟ್ಫೋನ್ನಲ್ಲಿ ಎರಡು ಅಕೌಂಟ್:
ತನ್ನ ಬಳಕೆದಾರರಿಗೆ ವಾಟ್ಸ್ಆ್ಯಪ್ ಒಂದೇ ಅಪ್ಲಿಕೇಶನ್‌ನಲ್ಲಿ (Application) ಎರಡು ಪ್ರತ್ಯೇಕ ವಾಟ್ಸ್ಆ್ಯಪ್ ಖಾತೆಗಳನ್ನು ತೆರೆಯುವ ವಿಶೇಷ ಆಯ್ಕೆ ನೀಡುತ್ತಿದೆ. ಅಂದರೆ ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ (Smart Phone)
ಈಗಾಗಲೇ ಎರಡು ಸಿಮ್ಗಳಿದ್ದರೆ ಒಂದೇ ಮೊಬೈಲ್ನಲ್ಲಿ ಎರಡು ವಾಟ್ಸ್ಆ್ಯಪ್ ಅಕೌಂಟ್ ಈ ಎರಡೂ ಸಿಮ್ಗೆ ತೆರೆಯಬಹುದು. ಸದ್ಯ ಈ ಫೀಚರ್ ಮೇಲೆ ವಾಟ್ಸ್ಆ್ಯಪ್ ಕಾರ್ಯ ನಿರ್ವಹಿಸುತ್ತಿದ್ದು,
ಆಂಡ್ರಾಯ್ಡ್ ಮತ್ತು ಐಒಎಸ್ ಬಳಕೆದಾರರಿಗೆ ಇನ್ನು ಕೆಲವೇ ದಿನಗಳಲ್ಲಿ ಸಿಗುವ ನಿರೀಕ್ಷೆ ಇದೆ. ವಾಟ್ಸ್ಆ್ಯಪ್ ಪರಿಚಯಿಸಲಿರುವ ಈ ಹೊಸ ಆಯ್ಕೆ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ತಿಳಿದುಬಂದಿಲ್ಲ.
ರಶ್ಮಿತಾ ಅನೀಶ್