Curry Leaves Benefits: ನಾವು ಅಡುಗೆಗೆ ಒಗ್ಗರಣೆ ಮಾಡುವಾಗ ಏನೆಲ್ಲಾ ಬಳಸ್ತೀವಿ ಅಂತ (Health Benefits of Curry Leaves) ಸಾಮಾನ್ಯವಾಗಿ ಅಡುಗೆ ಮಾಡುವವರಿಗೆ
ಗೊತ್ತಿರುತ್ತೆ. ಅದರಲ್ಲೂ ಕರಿಬೇವಿನ ಸೊಪ್ಪು ಇಲ್ಲದಿದ್ದರೆ ಆ ಒಗ್ಗರಣೆ ಅಪೂರ್ಣವಾಗುವುದಲ್ಲದೆ ತಯಾರಾಗುವ ಆಹಾರದ ರುಚಿ ಹೆಚ್ಚಿಸಲು ಕರಿಬೇವುನ ಸೊಪ್ಪು (Curry Leave) ಬೇಕೇ ಬೇಕು.
ನುರಿತ ಆರೋಗ್ಯ ತಜ್ಞರು ಕರಿಬೇವಿನ ಎಲೆಗಳನ್ನು ಹಸಿಯಾಗಿ ಕೂಡ ತಿನ್ನಬೇಕು ಎಂದು ಹೇಳುತ್ತಾರೆ. ಹಸಿ ಕರಿಬೇವಿನ ಎಲೆಗಳನ್ನು ತಿನ್ನುವುದರಿಂದ ವಿವಿಧ ಆರೋಗ್ಯ ಪ್ರಯೋಜನಗಳನ್ನು
ಪಡೆದುಕೊಳ್ಳಬಹುದು. ಹಾಗದ್ರೆ ಅದು ಯಾವುದು (Health Benefits of Curry Leaves) ಅಂತ ನೋಡೋಣ
ಕರಿಬೇವು ನೀರು ತಯಾರಿಸುವ ವಿಧಾನ:
ಒಂದು ಗ್ಲಾಸ್ (Glass) ನೀರು ತೆಗೆದುಕೊಂಡು ಅದನ್ನು ಒಲೆಯ ಮೇಲೆ ಚೆನ್ನಾಗಿ ಕುದಿಸಬೇಕು.
ಇದಕ್ಕೆ ಹತ್ತರಿಂದ ಹದಿನೈದು ಕರಿಬೇವಿನ ಎಲೆಗಳನ್ನು ಹಾಕಿ ಸ್ವಲ್ಪ ಹೊತ್ತು ಕಾಯಲು ಬಿಡಬೇಕು.
ಈಗ ಇದು ತಣ್ಣಗಾದ ನಂತರದಲ್ಲಿ ಸೋಸಿಕೊಂಡು ಕುಡಿಯಿರಿ.
ಬೇಕಿದ್ದರೆ ರುಚಿಗಾಗಿ ಸ್ವಲ್ಪ ಜೇನುತುಪ್ಪ ಅಥವಾ ನಿಂಬೆಹಣ್ಣಿನ ರಸ ಕೂಡ ಸೇರಿಸಬಹುದು.
ನಿರೀಕ್ಷಿತ ಫಲಿತಾಂಶಗಳಿಗಾಗಿ 20 ದಿನ ಅಥವಾ ಒಂದು ತಿಂಗಳು ಇದನ್ನು ಪ್ರತಿ ದಿನ ಕುಡಿಯಬೇಕು.
ಬೊಜ್ಜು ಕಡಿಮೆ ಮಾಡುತ್ತೆ
೧. ದೇಹದ ತೂಕವನ್ನು ಕಡಿಮೆ ಮಾಡುವ ವಿಚಾರದಲ್ಲಿ ಕರಿಬೇವಿನ ಎಲೆಗಳನ್ನು ಅಲ್ಲಗಳೆಯುವಂತಿಲ್ಲ. ಯಾಕೆಂದರೆ ಇದು ಕರುಳಿನ
ಆರೋಗ್ಯವನ್ನು ಉತ್ತಮವಾಗಿ ಕಾಪಾಡುವುದು ಮಾತ್ರವಲ್ಲದೆ ದೇಹದಲ್ಲಿ ಮೆಟಬಾಲಿಸಂ ಪ್ರಕ್ರಿಯೆಯನ್ನು ಉತ್ತೇಜಿಸುತ್ತದೆ.
೨. ಕರಿಬೇವಿನ ಎಲೆಗಳು ನಿಮ್ಮ ಜೀರ್ಣಾಂಗ ವ್ಯವಸ್ಥೆಗೆ ಉತ್ತಮ ಲಾಭಗಳನ್ನು ತಂದುಕೊಡುವುದಲ್ಲದೆ ದೇಹದ ತೂಕವನ್ನು ನಿಯಂತ್ರಣ
ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.
೩.ಇವುಗಳಲ್ಲಿ ಶಕ್ತಿಯುತವಾದ ಆಂಟಿ ಆಕ್ಸಿಡೆಂಟ್ (Anti Accident) ಅಂಶಗಳು ಇರುವ ಕಾರಣದಿಂದ ನಿಮ್ಮ ದೇಹದಿಂದ ವಿಷಕಾರಿ ಅಂಶ ಗಳನ್ನು ಹೋಗಲಾಡಿಸುವಲ್ಲಿ ಕೆಲಸ ಮಾಡುತ್ತವೆ.
ವಾಕರಿಕೆ ಬರದಂತೆ ತಡೆಯುತ್ತದೆ
ಕರಿಬೇವಿನ ಎಲೆಗಳನ್ನು ಸೇವನೆ ಮಾಡುವುದರಿಂದ ಗ್ಯಾಸ್ಟ್ರಿಕ್ (Gastric) ಸಮಸ್ಯೆ ದೂರವಾಗುವುದರ ಜೊತೆಗೆ ವಾಂತಿ, ವಾಕರಿಕೆ ಇತ್ಯಾದಿ ತೊಂದರೆಗಳು ಸಹ ಮಾಯವಾಗುತ್ತವೆ. ಕರಿಬೇವಿನ
ಸೊಪ್ಪನ್ನು ನಿಯಮಿತವಾಗಿ ಸೇವನೆ ಮಾಡುವುದರಿಂದ ದೇಹದಲ್ಲಿರುವ ಕೆಟ್ಟ ಕೊಲೆಸ್ಟ್ರಾಲ್ (Cholesterol) ಕಡಿಮೆ ಯಾಗುತ್ತದೆ ಮತ್ತು ದೇಹದ ಕೊಬ್ಬು ಹಾಗೂ ಬೊಜ್ಜಿನ ಪ್ರಮಾಣ ಕೂಡ ಇಳಿಕೆ
ಆಗುತ್ತದೆ. ಇಷ್ಟು ಮಾತ್ರವಲ್ಲದೆ ರಕ್ತದಲ್ಲಿ ಸಕ್ಕರೆ ಪ್ರಮಾಣ ಏರಿಕೆ ಮತ್ತು ಇಳಿಕೆ ಆಗುವುದನ್ನು ಇದು ನಿಯಂತ್ರಣ ಮಾಡುತ್ತದೆ. ಹೀಗಾಗಿ ಮಧುಮೇಹ ಕೂಡ ಕಂಟ್ರೋಲ್ ನಲ್ಲಿ ಉಳಿಯುತ್ತದೆ.
ಸೇವಿಸುವ ವಿಧಾನ
ಕರಿಬೇವಿನ ಎಲೆಗಳು ಆರೋಗ್ಯಕ್ಕೆ ಉತ್ತಮ ಲಾಭಗಳನ್ನು ಪಡೆದುಕೊಳ್ಳಲು ಸೇವಿಸಬಹುದು. ತೂಕವನ್ನು ಕಡಿಮೆ ಮಾಡಿಕೊಳ್ಳುವುದರಿಂದ ಹಿಡಿದು ಇನ್ನು ಅನೇಕ ಆರೋಗ್ಯ ಪ್ರಯೋಜನಗಳನ್ನು
ಇದರಿಂದ ನಿಮ್ಮದಾಗಿಸಿಕೊಳ್ಳಬಹುದು. ಇದಕ್ಕಾಗಿ ಮನೆಯಲ್ಲಿ ನೀವು ಸುಲಭವಾಗಿ ಮತ್ತು ಸರಳವಾಗಿ ಕರಿಬೇವಿನ ಎಲೆಗಳ ಡಿಕಾಕ್ಷನ್ ಈ ರೀತಿ ತಯಾರಿಸಿ ಕುಡಿಯಬಹುದು.
ಇದನ್ನು ಓದಿ: ರಾಗಿಗುಡ್ಡದ ಹಿಂದೂ ಸಮುದಾಯದವರಿಗೆ ಸಾಂತ್ವನ ಹೇಳಲು ಹೊರಟಿದ್ದವನ ಬಂಧನ: ಪ್ರಮೋದ್‌ ಮುತಾಲಿಕ್‌ ಆಕ್ರೋಶ
- ಭವ್ಯಶ್ರೀ ಆರ್.ಜೆ